Os Quilómetros da Biodiversidade
Dende a nosa asociación queremos dar a coñecer a Serra do Courel a través dos Quilómetros da Biodiversidade, unha iniciativa que pon en valor a riqueza natural deste territorio.
Iremos compartindo aquí diferentes rutas co seu track e a ligazón correspondente a Wikiloc, por se queredes descargalas e percorrelas.
As dúas primeiras rutas foron abertas no marco dos actos de celebración do 25 aniversario da nosa asociación, coa colaboración da Área de Medio Rural da Deputación de Lugo.
Nestes percorridos destacamos a gran biodiversidade da nosa serra e realizamos unha comparación entre dúas realidades: zonas aínda traballadas pola veciñanza, como Miraz, e outras xa abandoadas desde hai anos, como Paderne.
Contamos coa participación de distintos investigadores que analizaron fauna, flora e fungos nas dúas rutas. Convidámosvos tamén a vós a contribuír a esta análise colectiva subindo as vosas observacións á aplicación iNaturalist.
Ademais, incluiremos outras rutas naturais para que poidades explorar e gozar da paisaxe do Courel desde diferentes perspectivas.
Kilómetro da Biodiversidade de Miraz
Neste Kilómetro tentamos analizar a biodiversidade nunha zona onde aínda hai bastante actividade humana, tanto de pastoreo como de cultivos.
O paseo é apto para tódolos públicos e os resultados desta análise están subidos á aplicación inaturalist, onde tamén calqueira observador poderá subir fotografías do que atope durante está ruta, colaborando así tamén co estudio.
Kilómetro Biodiversidade de Paderne
Ruta apta para tódolos públicos coa que tentamos amosar a biodiversidade dunha zona que o ser humano deixóu de traballar hai anos, comparándoa co Kilómetro da Biodiversidade de Miraz, zona aínda traballada hoxe.
Os datos de biodiversidade destas dúas rutas se poden ver na aplicación inaturalist e están abertos a que, calqueira que a faga, participe.
O paseo é apto para tódolos públicos e os resultados desta análise están subidos á aplicación inaturalist, onde tamén calqueira observador poderá subir fotografías do que atope durante está ruta, colaborando así tamén co estudio.
Ruta da Biodiversidade do Alto da Pedra. PadernePedrafita do Courel
Unha das rutas máis senlleiras do Courel, que combina á perfección paisaxe natural con paisaxe cultural.
Unha oportunidade para descubrir os soutos, os prados, ou as zonal altas, dominadas polos biduieors, os carnabudos ou os acivros. Pero, ademais, con pequenos desvíos que nos levarán cara cabanas de herba rehabilitadas, alvarizas ou, incluso, unha microrreserva de orquídeas.
Contacta con nós
Tes algunha pregunta? Estaremos encantados de responder a calquera dúbida. Non dubides en escribirmos.
Galego 
Español 